Kategoritë

Politikat e Privatësisë

POLITIKA E PRIVATËSISË

  1. HYRJE

Kjo Politikë e Privatësisë përshkruan mënyrën se si GNTC Group SH.A., përmes uebfaqes www.75mall.com, mbledh, përdor, ruan dhe mbron të dhënat personale të përdoruesve dhe vizitorëve të saj.

Duke përdorur uebfaqen dhe shërbimet tona, ju pranoni përpunimin e të dhënave tuaja personale në përputhje me këtë Politikë të Privatësisë dhe me dispozitat e Ligji nr. 06/L-082 për Mbrojtjen e të Dhënave Personale.

Ne jemi të përkushtuar të sigurojmë që të dhënat tuaja personale të trajtohen në mënyrë të ligjshme, të drejtë dhe transparente, duke respektuar parimet e mbrojtjes së të dhënave personale, përfshirë kufizimin e qëllimit, minimizimin e të dhënave, saktësinë dhe sigurinë e tyre.

Kjo politikë zbatohet për të gjithë përdoruesit, vizitorët dhe çdo person që ndërvepron me shërbimet e ofruara përmes platformës 75Mall.

  1. KONTROLLUESI I TË DHËNAVE

Kontrolluesi i të dhënave personale është:

GNTC Group SH.A.
Uebfaqja: www.75mall.com

Kontrolluesi i të dhënave është përgjegjës për përpunimin e të dhënave personale të mbledhura përmes kësaj uebfaqeje dhe për sigurimin e mbrojtjes së tyre në përputhje me legjislacionin në fuqi.

GNTC Group SH.A. ndërmerr të gjitha masat e nevojshme organizative dhe teknike për të siguruar që përpunimi i të dhënave personale të kryhet në mënyrë të sigurt dhe në përputhje me ligjin.

  1. TË DHËNAT PERSONALE QË MUND TË MBLEDHIM

Gjatë përdorimit të shërbimeve tona, ne mund të mbledhim dhe përpunojmë këto kategori të të dhënave personale:

- emrin dhe mbiemrin

- datëlindjen

- gjininë

- adresën e banimit

- adresën e dorëzimit të porosive (nëse është e ndryshme nga adresa e banimit)

- qytetin dhe kodin postar

- profesionin

- numrin e telefonit mobil

- adresën e email-it

- informacionet që lidhen me porositë dhe historikun e blerjeve në platformë

- informacionet e nevojshme për faturim dhe përpunimin e porosive, si të dhënat e faturimit dhe metoda e zgjedhur e pagesës. Në rastet kur pagesa realizohet online, përpunimi i të dhënave të kartave bankare ose mjeteve të tjera të pagesës kryhet nga ofrues të jashtëm të shërbimeve të pagesave dhe jo nga platforma jonë

- të dhëna teknike dhe identifikues online që lidhen me përdorimin e uebfaqes, si p.sh. IP adresa, cookies, lloji i shfletuesit, pajisja e përdorur, sistemi operativ dhe koha e qasjes në uebfaqe.

Këto të dhëna mund të mblidhen kur:

- regjistroheni ose krijoni një llogari në platformë

- kryeni një porosi përmes platformës sonë

- përdorni shërbimet tona ose kryeni aktivitete përmes platformës

- na kontaktoni përmes formave të kontaktit, email-it ose mjeteve të tjera të komunikimit

- navigoni në uebfaqen tonë ose përdorni funksionalitetet e saj.

Mbledhja dhe përpunimi i këtyre të dhënave bëhet vetëm për qëllime të ligjshme dhe në masën e nevojshme për ofrimin e shërbimeve të platformës, përfshirë krijimin dhe menaxhimin e llogarive të përdoruesve, përpunimin e porosive, realizimin e pagesave, faturimin dhe dorëzimin e produkteve tek përdoruesit.

  1. QËLLIMI I PËRPUNIMIT TË TË DHËNAVE

Të dhënat personale përpunohen për këto qëllime:

  • ofrimin dhe administrimin e shërbimeve të uebfaqes
  • menaxhimin e llogarive të përdoruesve në platformë
  • komunikimin me përdoruesit dhe përgjigjen ndaj kërkesave apo pyetjeve të tyre
  • përmirësimin e funksionalitetit dhe performancës së uebfaqes
  • personalizimin e përvojës së përdoruesve në platformë
  • analizimin e përdorimit të shërbimeve për të përmirësuar cilësinë e tyre
  • përmbushjen e detyrimeve ligjore dhe rregullative.
  1. BAZA LIGJORE PËR PËRPUNIMIN E TË DHËNAVE

    Përpunimi i të dhënave personale bëhet në bazë të:
  • pëlqimit të përdoruesit për përpunimin e të dhënave personale
  • nevojës për ofrimin e shërbimeve të kërkuara nga përdoruesi
  • përmbushjes së detyrimeve ligjore të kompanisë
  • interesit legjitim për funksionimin, zhvillimin dhe përmirësimin e shërbimeve të ofruara përmes uebfaqes.

    Baza ligjore për mbledhjen e të dhënave personale buron nga neni 5 i Ligjit Nr. 06/L-082 për Mbrojtjen e të Dhënave Personale.

  1. RUAJTJA E TË DHËNAVE

Të dhënat personale ruhen vetëm për aq kohë sa është e nevojshme për përmbushjen e qëllimeve për të cilat janë mbledhur dhe në përputhje me kërkesat e legjislacionit në fuqi.

Në veçanti:

  • Të dhënat e lidhura me llogaritë e përdoruesve ruhen për aq kohë sa llogaria është aktive dhe deri në 24 muaj pas çaktivizimit të saj, përveç nëse kërkohet ruajtje më e gjatë nga ligji.
  • Të dhënat e përdorura për komunikim me përdoruesit dhe kërkesa për mbështetje ruhen deri në 12 muaj pas përfundimit të komunikimit.
  • Të dhënat teknike dhe të navigimit (p.sh. IP adresa, log-et e sistemit) ruhen deri në 12 muaj për qëllime sigurie dhe analize teknike.
  • Në rastet kur të dhënat personale janë të nevojshme për përmbushjen e detyrimeve ligjore, kontabël ose rregullative, ato mund të ruhen për periudhën e përcaktuar nga legjislacioni përkatës.

Periudhat e ruajtjes mund të ndryshojnë në varësi të natyrës së të dhënave dhe qëllimit të përpunimit, në përputhje me kërkesat e legjislacionit në fuqi.

Pas përfundimit të periudhës së ruajtjes, të dhënat personale:

  • fshihen në mënyrë të sigurt,
  • anonimizohen, ose
  • përpunohen në mënyrë që të mos mund të identifikojnë më subjektin e të dhënave.

Kompania rishikon kohë pas kohe të dhënat e ruajtura për të siguruar që ato të mos mbahen më gjatë sesa është e nevojshme.

  1. SHPËRNDARJA E TË DHËNAVE PERSONALE

GNTC Group SH.A. nuk do të ndajë, transferojë ose shesë të dhënat tuaja personale tek palët e treta pa pëlqimin tuaj, përveç në rastet kur:

  • kjo kërkohet nga ligji
  • kërkohet nga një autoritet kompetent shtetëror
  • është e nevojshme për ofrimin e shërbimeve përmes partnerëve teknikë ose ofruesve të shërbimeve që mbështesin funksionimin e platformës.

Në këto raste, çdo palë që ka qasje në të dhënat personale është e detyruar të respektojë konfidencialitetin dhe të zbatojë masa të përshtatshme për mbrojtjen e të dhënave.

  1. SIGURIA E TË DHËNAVE

Ne zbatojmë masa teknike dhe organizative të përshtatshme për të mbrojtur të dhënat personale nga:

  • qasja e paautorizuar
  • përdorimi i paligjshëm
  • ndryshimi ose zbulimi i paautorizuar
  • humbja, dëmtimi ose shkatërrimi i të dhënave.

Këto masa përfshijnë praktika standarde të sigurisë së informacionit, kontrolle të qasjes në sisteme, mbrojtje të infrastrukturës teknologjike dhe monitorim të vazhdueshëm të sistemeve.

  1. COOKIES DHE TEKNOLOGJITË E NGJASHME

Uebfaqja jonë mund të përdorë cookies dhe teknologji të ngjashme për të:

  • përmirësuar funksionalitetin e faqes
  • analizuar mënyrën e përdorimit të uebfaqes
  • personalizuar përmbajtjen dhe shërbimet për përdoruesit.

Cookies janë skedarë të vegjël që ruhen në pajisjen tuaj dhe ndihmojnë në përmirësimin e përvojës gjatë përdorimit të uebfaqes.

Përdoruesit mund të menaxhojnë ose çaktivizojnë cookies përmes cilësimeve të shfletuesit të tyre. Megjithatë, çaktivizimi i cookies mund të ndikojë në funksionimin e disa pjesëve të uebfaqes.

Politikën e veçantë të cookies mund ta gjeni në këtë vegëz

  1. LIDHJET ME FAQET E PALËVE TË TRETA

Uebfaqja jonë mund të përmbajë lidhje me faqe interneti ose shërbime të palëve të treta. GNTC Group SH.A. nuk mban përgjegjësi për politikat e privatësisë ose përmbajtjen e këtyre faqeve.

Ne ju rekomandojmë që të lexoni politikat e privatësisë të çdo faqeje të tretë që vizitoni para se të ndani të dhëna personale në ato platforma.

  1. TË DREJTAT E SUBJEKTIT TË TË DHËNAVE

Në përputhje me legjislacionin për mbrojtjen e të dhënave personale, përdoruesit kanë këto të drejta:

  • të drejtën për qasje në të dhënat personale
  • të drejtën për korrigjimin ose përditësimin e të dhënave
  • të drejtën për fshirjen e të dhënave (“e drejta për t’u harruar”)
  • të drejtën për kufizimin e përpunimit të të dhënave
  • të drejtën për të kundërshtuar përpunimin e të dhënave
  • të drejtën për të tërhequr pëlqimin në çdo kohë.

Përdoruesit mund të kërkojnë në çdo kohë fshirjen e të dhënave të tyre personale nga sistemet e kompanisë. Pas pranimit të një kërkese të tillë, kompania do të ndërmarrë veprimet e nevojshme për fshirjen ose anonimizimin e të dhënave personale në përputhje me legjislacionin në fuqi.

Fshirja e të dhënave personale mund të rezultojë në kufizimin ose ndërprerjen e qasjes së përdoruesit në disa nga shërbimet që ofrohen në platformën 75Mall, në rastet kur këto të dhëna janë të nevojshme për funksionimin e shërbimeve përkatëse.

Për ushtrimin e këtyre të drejtave, përdoruesit mund të kontaktojnë përmes kanaleve të kontaktit të publikuara në uebfaqe.

  1. NDRYSHIMET NË POLITIKËN E PRIVATËSISË

GNTC Group SH.A. rezervon të drejtën të përditësojë ose modifikojë këtë Politikë të Privatësisë në çdo kohë.

Çdo ndryshim hyn në fuqi menjëherë pas publikimit në këtë faqe dhe përdoruesit inkurajohen ta rishikojnë kohë pas kohe këtë politikë për t’u informuar mbi mënyrën se si mbrohen të dhënat e tyre personale.

  1. KONTAKTI

Nëse keni pyetje, kërkesa ose shqetësime lidhur me këtë Politikë të Privatësisë ose përpunimin e të dhënave tuaja personale, mund të na kontaktoni përmes rubrikës Kontakt në uebfaqen:

www.75mall.com

Ndrysho cilësimet e pëlqimit