Termet dhe Kushtet

Këto Terme dhe Kushte u ndryshuan për herë të fundit më 25 Shkurt 2025

Kushtet e përdorimit janë të detyrueshme nëse vazhdoni me blerjen dhe shfrytëzimin e platformës www.75mall.com - GNTC Group SH.A. Në momentin e pranimit të tyre ju pajtoheni që ky pëlqim të pranohet si kontratë e lidhur në mes Blerësit (Konsumatori) dhe Shitësit (www.75mall.com, Gorenje Department Store, GNTC Group SH.A.) me adresë në Veternik, p.n Prishtinë, me NUI: 810443854.

www.75mall.com - GNTC Group SH.A. kërkon nga ju që ti lexoni me kujdes të gjitha informacionet dhe kushtet e blerjes, pasi që me pranimin e këtij teksti, rregullave dhe kushteve konsiderohet përfundimisht kontratë në mes Blerësit (Konsumatori) dhe Shitësit (www.75mall.com, Gorenje Department Store, GNTC Group SH.A.).

www.75mall.com është Platformë e Shitjes Online nën ombrellën e GNTC Group SH.A., të cilët ofrojnë artikuj për blerje online. GNTC Group SH.A., ka të drejtën e ofertave për shitje online gjithashtu edhe në Dyqanet fizike – Gorenje Department Store. Webfaqja online shpalos artikuj të ndryshëm për konsumatorët të cilët preferojnë blerjen online dhe dërgesat në adresën e tyre sipas kushteve dhe rregullave të blerjes.

Për të gjitha dërgesat duhet të paguhet Transporti i Porosisë që është 2 Euro. Për dërgesat gjatë zbritjes “Black Friday” të gjitha porositë e kanë Transportin e obliguar që është 2 Euro dhe shpërndarja e porosive fillon prej javës që pason pas “Black Friday” Cyber Monday. Si në rreshtin më lartë po ashtu edhe për Oferta me zbritje të mëdha shpërndarja e porosive fillon prej javës që pason pas.

*Transporti në ndërtesa është me pagesë dhe çmimi varion prej niveleve (sipas kateve), shih tabelen: Kliko Këtu*

*Ndalohet shitja e pijeve alkoholike për personat nën moshen 18 vjeç.

Nëse përdoruesi i webfaqes www.75mall.com nuk pajtohet me rregullat e blerjes dhe politikat e privatësisë atëherë ai/ajo duhet të largohet nga faqja dhe ta ndërpret përdorimin dhe shfletosjen e webfaqes. Nëse vazhdoni me shfletim dhe me porosi ju pajtoheni që keni lexuar, kuptuar dhe pranuar Kushtet e cekura dhe jeni dakord me detyrimet e caktuara në webfaqe.

www.75mall.com - GNTC Group SH.A. sigurohet që të gjitha të Dhënat Personale të grumbulluara nga përdoruesit dhe vizitorët të trajtohen në përputhje me Ligjin nr 06/L-082 për Mbrojtjen e të Dhënave Personale.

KUSHTET E BLERJES TË PRODUKTEVE

Artikujt e ofruar nga GNTC Group SH.A. në www.75mall.com janë artikuj që ekzistojnë në gjendje/sasi dhe i përmbahen specifikave të vendosura. Gjithashtu kanë të drejtën të ndryshojnë pa paralajmërim.

Artikujt që bëhen porosi, dërgesat bëhen prej 1-3 ditë pune, gjithashtu gjatë dorëzimit artikujt duhet të jenë në gjendje të rregullt (të paketuara) pa dëmtime. Artikujt i dorëzohen postës me paketim nga www.75mall.com - GNTC Group SH.A.

Në rast të dëmtimit të artikullit gjatë dërgesës, konsumatori është i obliguar që të lajmëroj shitësin dhe të organizoj kthimin e artikullit me atë të ri dhe të padëmtuar, brenda 24 orëve. Kthimi duhet të bëhet nga vet Konsumatori ose nëse pajtohet të paguaj shpenzimet e dërgesës (postën) prej 2 Euro dhe duhet të evidentohet dëmtimi me anë të fotografive.

Artikujt e blerë përmes webfaqes www.75mall.com nuk mund të kthehen për faktin se konsumatorit nuk i pëlqen artikulli, përveç nëse artikulli është i dëmtuar të cilat janë shkaktuar nga prodhuesi/fabrika.

Pagesat mund të bëhen në 3 mënyra të ndryshme të cilat janë të përcaktuara në webfaqe si: 1. Paguaj me kartelë; 2. Paguaj me para në dorë dhe 3. Transfer Bankar. Konsumatori ka të drejtën të zgjedhë se çfarë mënyre të pagesës dëshiron të procesoj në rast të blerjes së artikujve përmes www.75mall.com

GARANCIONI ARTIKUJVE

Artikujt që kanë Garancion do ta kenë të cekur kohëzgjatjen e Garancionit në përshkrim të artikullit. Garancioni është valid vetëm me dokumentet përcjellëse si: Kuponi fiskal me fletë konfirmim të kuponit dhe fletë garancioni i çdo pajisje. Për të gjitha pajisjet garancioni është i vlefshëm nga data e blerjes vetëm nëse artikulli është shfrytëzuar sipas kushtëve dhe udhëzimit të lëshuar nga fabrika.

Pajisje të mëdha elektroshtëpiake

Garancioni është i vlefshëm 6 vite (3 vite garancion i plotë dhe 3 vite të tjera pjesa paguhet ndërsa puna e dorës nuk paguhet) për të gjitha pajisjet elektroshtëpiake të mëdha (pllakë, furrë, shporet, frigorifer, friz, lavatriqe, tharëse rrobash, enëlarëse dhe pajisje të tjera që përfshihen në këtë kategori) të markave Gorenje dhe Hisense të blera në Kosovë. Garancioni për çdo artikull veç e veç është i cekur në Fletëkonfirmim të kuponit.

Pajisje të vogla elektroshtëpiake

Garancioni është i vlefshëm 1 vit për të gjitha pajisjet elektroshtëpiake të vogla si (aspiratorë, mikrovalë, shtrydhëse për fruta-përime, mikser, toster, aparat për kafe, hekur rrobash, fshesë, blender, ngrohës uji, peshore, bukëpjekës, lagështues ajri, reso induktive, prerës dhe pajisje të tjera që përfshihen në këtë kategori) të markave Gorenje dhe Hisense të blera në Kosovë. Garancion shtesë me pagesë për paisjet e vogla elektroshtëpaike të markave Gorenje dhe Hisense është + 1 Vit.

Kondicionerë

Garancioni është i vlefshëm 2 vite për kondicionerë të markave Gorenje dhe Hisense të blera në Kosovë dhe të montuar nga teknikë të autorizuar nga GNTC Group Sh.A. në Kosovë. Përgjegjës për montim dhe humbje të gasit është nënkontraktori-monteri.

Bojlerë

Për të gjithë ngrohësit e ujit - Bojlerët garancioni është i vlefshëm 2 vite në elektrikë dhe 5 vite në kazan. Në rast të intervenimit nga persona të paautorizuar dhe ndërrimit të ventilit sigurues humbet garancioni i artikullit.

Gotek

Për pajisjet elektroshtëpiake të mëdha, garancioni vlen nga 1 deri në 3 vite, varësisht prej produktit. Ndërsa për pajisjet elektroshtëpiake të vogla, garancioni është nga 6 muaj deri në 1 vit, gjithashtu varësisht prej produktit.

Kamina

Garancioni është i vlefshëm 2 vite në konstrukt, përjashtim tullat dhe xhami që nuk kanë garancion.

Hisense TV

Garancioni është i vlefshëm 3 vite. Gjatë periudhës së garancionit, periudha e riparimit nuk përcaktohet me ligj dhe mund të jetë me e gjatë se 30 dité. Garancioni përfitohet vetëm kur së bashku me faturën e shitjes paraqiten edhe dokumentet origjinale të garancionit të artikullit të plotësuara si: data e shitjes, të gjitha defektet e fabrikës dhe mangësitë që mund të dalin gjatë periudhës së garancionit, do të eliminohen pa pagesë. Garancioni nuk vlen në rast të dëmtimit fizik, si dhe nga tensioni i lartë i energjisë elektrike dhe Çdo riparim nga përsonat e pa-autorizuar nga GNTC Group Sh.A., qmontim i provuar në pajisje, Defektet e shkaktuara nga efektet e jashtme (p.sh. kushtet klimatike, pluhuri, përdorimi i papërshtatshëm, si dhe problemet e aplikacioneve si dhe mosfunksionimin e tyre përshkak të kufizimeve nga operatorët e ndryshëm (IPTV, YOUTUBE, NETFLIX etj.) Garancion shtesë me pagesë për Hisense TV +2 Vite.

Elektronikë (GoSmart)

Laptop, Desktop, Monitor,Trotinet, Printer, Tablet: Garancioni është 1 Vit ose më shumë varësisht nga prodhuesi. Në garancion nuk përfshihen: dëmtimet fizike, bateria, problemet softuerike, përdorimi jo-adekuat, materialet shpenzuese. Adapterat, kabllot, prizat - 24orë reklamacion.

Fieldmann dhe Iskra

Garancioni është 2 Vite

GoBau

Garancioni është 1 Vit.

Garancioni për artikujt e Go Bau - Fieldmann - Iskra dhe mjetet e punës nuk mbulon rastet si në vijim

Konsumimi normal i pjesëve të funksionimit të makinës si rezultat i përdorimit të saj. Detyrat e servisit që lidhen me mirëmbajtjen standarde të makinës (p.sh. pastrimi, lubrifikimi, akordimi, etj.). Defektet e shkaktuara nga efektet e jashtme (p.sh. kushtet klimatike, pluhuri, përdorimi i papërshtatshëm, etj). Dëmtime mekanike si rezultat i rënies së makines, goditjes, etj). Dëmet që vijnë nga trajtimi joprofesional, mbingarkesa, përdorimi i pjesëve të pasakta, mijetet e papërshtatshme, etj.

Telefona Smart ( Xiaomi & Realme )

Garancioni është i vlefshëm 1 vit. Garancioni për telefona smart nuk vlen në rastet në vijim - Pajisja ka tejkaluar kohëzgjatjen standarde të garancisë.
Pajisja/Artikulli është i dëmtuar nga lëngu ose ka ndonjë lagështi/korozion. Mungon fatura e blerjes. Dështimi në përdorimin dhe mirëmbajtjen e artikullit sipas udhëzimeve që qojnë në dëmtim ose mosfunksionim, si p.sh. përdorimi në temperatura ekstreme, përdorimi i aksesorëve jo te duhur etj
Nëse ndodh ndonjë dëmtim në sipërfaqen e jashtme të artikullit, por pa u kufizuar në qarje, gërvishtje apo thyerje. Çdo riparim nga përsonat e pa-autorizuar nga GNTC Group Sh.A., qmontim i provuar në pajisje.

Poland Mobilje

Reklamacionet nuk pranohen për artikujt që janë përdorur, keqpërdorur, ndryshuar ose pastruar në mënyrë të gabuar metodat e pastrimit ose produktet e gabuara të pastrimit. Reklamacionet nuk pranohen në gërvishtje, dëmtimet e shkaktuar nga goditjet dhe shkaqe të ngjashme. Gjithashtu, reklamacioni është i pavlefshem nëse artikujt janë përdorur jasht në një mjedis të lagësht ose nuk janë përdorur në shtëpi Temperatura optimale në të cilën vendosen mobiljet duhet të jetë 18–22°C, lagështia relative e ajrit 55-75%. Mobiljet nuk lejohen të ekspozohen në rrezet e diellit direkt ose në kontakt me ujin. Mobiljet duhet të jenë të paktën 100cm nga burimi i nxehtësisë, përndryshe duhet mbrotje shtesë. Pastroni pjesët e mobiljeve prej druri dhe me Llak druri me një leckë të butë dhe pastrues të butë mobiljesh. Pjesët e veshura me susta në pëlhurë dhe/ose lëkurë duhet të pastrohen dhe mirëmbahen me mjetet adekuate. Mobiljet janë të destinuara për përdorim normal dhe nuk mund të përballojnë mbingarkesë, Nëse artikulli është dorëzuar i qmontuar, montoni sipas udhëzimeve të montimit të bashkangjitur dhe përdorni vetëm pjesë origjinale. Kontrolloni dhe shtrëngoni periodikisht qdo lidhje me vidë të lirshme. Reklamacioni do të korrigjohet brenda 30 ditëve nga marrja e artikullit për riparim. Nëse reklamacioni nuk korrigjohet brenda 30 ditëve, zëvendësohet me artikull tjetër me të njejtën vlerë ose kthehet shuma e paguar.

Fitnes (Gofit)

Garancioni vlen vetëm për përdorim shtëpiak. Në garancion nuk përfshihen dëmtimet fizike apo defektet e shkaktuara nga kushtet e jashtme, dëmtimet mekanike si rezultat i goditjes apo rënies se produktit, dëmet që vijnë nga trajtimi joprofesional, mbingarkesa, servisimi ne servise te paautorizuara dhe defektet nga mosmirëmbajtja sipas manualit të përdorimit.

Garancioni nuk vlen për rastët në vijim 

Batëri, llambëza, qese vakumi, filtër, ose pastrimi i filterit të lavatriqes; për defekte nga përdorimi jo i drejtë ose jo sipas manualit përkatës të përdorimit; riparimet paraprake të bëra nga përsona të paautorizuar; instalimi i pjesëve jo origjinale; trajtimi i pakujdesshëm i artikullit: demtimet e shkaktuara nga rryma apo mekanikë për faj të klientit ose të një pale të tretë; instalimi jo i saktë i pajisjes; përdorim i pajisjes për përdorim industrial (kafene, dygan shitje, prodhim etj.); për defekte rastësore si: dëmtime nga tensioni i energjisë elektrike, vetëtime, përmbytje, tërmete, zjarre etj. Për qdo problem eventual brenda Garancionit, konsumatori duhet të kontaktojë me Servisin GNTC Group SH.A. ose të sjell artikullin në Servis për riparim ose zëvendësim të artikullit nëse riparimi nuk është i mundur.

Të gjithë artikujt janë të destinuar për përdorim shtëpiak, jo industrial.

Në rast se artikulli nuk mund të riparohet në periudhën e garancionit dhe nuk ka sasi, atëherë do të ndërrohet me të ri ose rimbursohen mijetet në vlerën e blerë. Vërejtje: Në rast të reklamimit për artikujt e blerë nga ju, ju lutemi drejtohuni personit kontaktues të qendrës përkatëse ku është blerë artikulli brenda 24 orëve nga momenti i pranimi të mallit.

Informata shtesë:

Shërbimet e servisimit do të paguhen sipas çmimores aktuale:
Transporti i produktëve të cilët shiten online paguhet 2.00€ për porosi.
Transporti sipas niveleve (kateve) në ndërtesa paguhet sipas çmimores aktuale.
Çmimi për montimin e Lavatriqeve dhe Enëlarëseve (jo montuese) 15€ (Heqja e bllokadave të Lavatriqes, Lidhja e gypit të furnizimit me ujë, Vendosja e lavatriqes në pozicion të qëndrueshëm dhe të balancuar. Ju lutemi, sigurohuni që: Të jenë të gatshme lidhja e ujit dhe hapësira për vendosjen e lavatriqes)

Garancioni vlenë me kushtet si më poshtë

1. Deklarata e garancionit do të konsiderohet e pavlefshme nëse përcaktohet se është jo e plotë, nëse është modifikuar dhe / ose përmban informacion të pasaktë të futur gjatë regjistrimit të produktit.
2. Kur aplikoni për një riparim garancie nën garancion , shërbimi i autorizuar i duhet t'i sigurohet si vijon:
3. karta origjinale e garancionit,
4. origjinali ose një kopje e faturës

1. Vendimi ynë për të gjitha çështjet që kanë të bëjnë me ankesat në lidhje me defektet në mjeshtëri apo materialet e përdorura gjatë garancionit së zgjatur do të jetë përfundimtar dhe i detyrueshëm dhe klienti pranon t'u përmbahet atyre vendimeve. Çdo pjesë e dëmtuar që zëvendësohet gjatë periudhës së garancionit të zgjatur bëhet pronë e HISENSE
2. Kushtet e garancionit së shkruar në këtë deklaratë janë në përputhje me kushtet e rregullta të garancionit, të përshkruara në garancionet standarde. Para çdo procedure, është e nevojshme të lexoni kushtet standarde të garancionit.
3. Gjatë periudhës së garancionit, konsumatori ka të drejtë të zëvendësojë produktin vetëm nëse pajisja nuk është në gjendje të riparohet.
4. Periudha e riparimit nuk përcaktohet me ligjë dhe mund të jetë më e gjatë se 30 ditë.
5. Ky garancion u nënshtrohet kufizimeve dhe përjashtimeve të mëposhtme:

• Keçfunksionimi ose dëmtimi i shkaktuar nga forca madhore, zjarri, trazirat civile dhe / ose aksidentet.
• Dështimet e shkaktuara nga përdorimi i tensionit të gabuar në rrjet dhe / ose dëmtimi pasues për shkak të neglizhencës dhe / ose abuzimit.
• Përdorim që nuk përputhet me udhëzimet e përdorimit.
• Riparimet e kryera nga persona të paautorizuar dhe / ose instalimi i pahijshëm që nuk plotëson kërkesat e manualit të përdorimit.
• Produktet e përdorura në lokale komerciale ose jo-rezidenciale.

Për çdo problem eventual brenda Garancionit konsumatori duhet të kontaktoj me GNTC Servisin në numrin e telefonit 049 77 88 99 dhe ta sjell artikullin në Servis për riparim ose zëvendësim të artikullit nëse riparimi nuk është i mundur ose rimbursohen mjetet në vlerën e blerë.

www.75mall.com - GNTC Group SH.A. do të bëjë përpjekje maksimale që të sigurohet se fotografitë e artikujve, përshkrimet dhe të dhënat tjera të artikujve të jenë sa më të sakta për konsumatorin dhe të pasqyrojnë të vërtetën dhe origjinalitetin e artikullit. Gjithsesi mund të ndodhin gabime teknike të cilat janë të lejueshme dhe të kuptueshme.

Ndryshimet e përshkrimeve të artikujve mund të bëhen pa paralajmërim dhe në çfarëdo kohe www.75mall.com - GNTC Group SH.A. do të bëjë përpjekje maksimale që të sigurohet se fotografitë e artikujve, përshkrimet dhe të dhënat tjera të artikujve të jenë sa më të sakta për konsumatorin dhe të pasqyrojnë të vërtetën dhe origjinalitetin e artikullit. Gjithsesi mund të ndodhin gabime teknike të cilat janë të lejueshme dhe të kuptueshme. Ndryshimet e përshkrimeve të artikujve mund të bëhen pa paralajmërim dhe në çfarëdo kohe.

PËRMBARIMI I DETYRIMEVE DHE ZGJEDHJA E KONTESTEVE

Nëse përdoruesi është person fizik dhe ka detyrime apo konteste me www.75mall.com - GNTC Group SH.A. palët do të drejtohen në gjykatën themelore në vendbanimin e përdoruesit.

Ligjet e aplikueshme janë ligjet e Republikës të Kosovës të cilat janë në fuqi.

GNTC Group SH.A. ka të drejtë të kërkojë përmbarimin e faturave dhe detyrimeve përmes përmbaruesëve privat, sipas nenit 29 të Ligjit Për Procedurën Përmbarimore.